Рэлігійная паэзія з'яўляецца значным пластом беларускага мастацкага слова, але недастатковадаследавана. Мы лічым, што самым значным намаганнем прыцягнуць увагу чытачоў да паэзіі такога роду было выданне анталогіі "Насустрач духу", складзенай доктарам філалагічных навук, прафесарам І. А. Чаротам. У названай анталогіі ўвайшлі і вершы Алега Бембеля. Надзвычайная важнасць тэмы, зместу, своеасаблівасць паэтыкі падобнага роду твораў - ёсць неабходная ўмова духоўнага выхавання, адукацыі маладога пакалення. Гэта своеасаблівая альтэрнатыва татальнаму растленню моладзі. Навізна дадзенага даследавання заключаецца ў тым, што гэта першая спроба навуковага асэнсавання як агульнай праблемы існавання беларускай хрысціянскай аўтарскай паэзіі, так і значнасці рэлігійнай лірыкі Алега Бембеля.

ЗБАВІЦЕЛЬ

..Ён мог узняць
зямнога раю гмах
і царстваваць у ім -- ад ласкі змія…
Ён вольны быў абраць шляхі зямныя…
І вольна выбраў -
З о р н ы
Х р о с н ы   ш л я х …
***
.. сілы сусветнага зла імкнуцца
духоўна і дзяржаўна сакрушыць
Праваслаўныя народы…
Гасподзь -- па грахох нашых-
Папускае гэтыя цяжкія спакушэнні:
Войны, глады, моры…
…а па шчырых малітвах, жыцці
ў Хрысце й Царкве Ягонай-- дае
палёгку, узнаўляе мір, лагоду,
гармонію плямёнаў…
…мне і крывавая й шэрая
пара-калі слабне Хаўрус…
Жыве
Праваслаўная Сербія!
Жыве
Праваслаўная Русь-
Вялікая…Белая… Кіева...,--
Што сцежкамі
Тройцы зямной
Смяротных да Вечнасці вывела
І ў сэрцы гукае :--за Мной!..

***
…з гісторыі гаротнай , без прыўкрас,
пад бомбамі бясоўскае свабоды,
ўзыходзіць на Галгофу-ў Сконны час,
павольна-Праваслаўныя народы…

…антыхрыст рай зямны падрыхтаваў:
натоўпу кінуў хлеба і відовішч…
і ў прадоннях сваіх тайных сховішч
намеры запаветныя схаваў…

…напагатове каты і цвікі…
Хрыстос Сваіх наследнікаў чакае…
І -- як дарожка церпнікам да Раю-
Рассыпаны ў нябёсах
В А С І Л Ь К І …
***

Хрыстос уваскрэсе!
--Усяісна ўваскрэсе!
І рэха, як гром веснавы
Ў паднябессі…
І рэха-- у сэрцах…
І рэха - у песнях…
І вера, што кожны
Ў Хрысце ўваскрэсне!..
І цемрадзь адыдзе…
І гора рстане…
І смерць, быццам прывід
Пад сонцам світальным,
Міне ва ўспамін паўнаты
Дабравесця…
--Хрыстос уваскрэсе!
--Усяісна ўваскрэсе!

***
…памілуй, Хрысце, памілуй
нябожчыкаў і жывых…
і дай нам усім сцяжыны
ў бясконцых Шляхох Тваіх…